想滿足一個好鐘意食好野o既人真係好難, 如果佢又大食又要食好野咁就更加難!!!!
其實最簡單唔想諗咁多o既方法就係去食自助餐, 本住 foodtaster 精神, 要食就要食最好,
我地今日就去左被不同網站網友推舉為 no. 1 o既自助餐, 位於尖沙咀美麗華酒店o既 yamm
呢間店唔只係出名好食, 仲出名貴!!! 到底佢有幾好? 等我地實地踢竇完為大家介紹下啦!!
環境方面: 酒店個入口好神秘, 入到去都唔似酒店, 餐廳入面個裝修好 cyber , 我覺得似網吧多D, 比較暗, 地方好闊落, 但記得要早D book, 同要求坐梳化
一坐低就有麵包, 拎左個湯黎送麵包, D麵包好味!! 但唔可以食太多, 因為仲有好多野要食
食物方面: 如果自助餐黎講, 食物o既款就少左D, 佢有D食物係自己出去拎, 但有D日本o既野食就係要 order , 即叫即做. 最後再加上有2個main course, 係好細碟, 個waiter 話係試食, 所以好細.
首先講下自己拎o既野食啦, 冷盤就有即開生蠔, 長腳蟹,螺,青口,開邊龍蝦,仲有一D 沙津.....
冷盤全部都好新鮮!!! 好正!!! 只係用鹽水就已經非常美味啦!!!
日式有刺身, 天婦羅, 串燒同鐵板燒
我本身唔太食生野, 但試呢到D刺身係好好味!! 尤其係海膽!!! 真係非常新鮮!! 正!!!!
天婦羅真係全港數一數兩最好味架啦!!! 太正啦!!!
熱食就有抄飯,咖哩等好少, 但無試到, 因為要留返個胃黎食甜品
甜品就有好多款唔同o既 cake 同一杯杯o既甜品, 大部分都好好味, 其中有一兩款係奇怪組合就真係唔o岩我
格錢方面: 好貴!! 連加一要 605 一位!!!
再幫襯指數(5個 滿分): 下次黎要儲下錢先....><
Raymond
文章
