滿 X 糖水 (屯門分店)
我哋踢咗咁多 Main courses, 今次我要同大家講吓甜品 
呢一間喺屯門開嘅滿 X 糖水開業大約有一年, 但係已經深受當地居民嘅愛戴喇!
環境方面, 都OK, Standard 嘅滿 X 糖水裝修, 可能燈光較暗咗, 可以畀人好 relax 嘅感覺。
甜品方面, 我擇咗三個甜品試試。
第一個, 楊枝甘露涼粉。慣常食開嘅楊枝甘露, 再加上普通嘅涼粉... 真係估唔到, 兩種普普通通嘅甜品搭配起來都幾特別, 爽口彈牙嘅涼粉可以令到楊枝甘露更加清香, 食落肚好有口感, 楊枝甘露再加涼粉, 真係非常之透心涼, 正!
第二款, 紫米露配海底椰... 呢款又一個Mix & Match, 紫米搭配海底椰, 四個字... 清心潤肺, 紫米露煮得幾有水準, 紫米軟硬適中, 時間掌握得幾好, 再加上爽口彈牙嘅海底椰, 又係一絕!
最後要同大家分享嘅係芝麻糊... 食落去先發現唔係普通嘅芝麻糊, 原來裏面混入杏仁, 做出來嘅效果好唔錯。
食完呢間糖水店舖嘅甜品後, 平凡中盡見不平凡係我畀呢間野嘅唯一評語。
再幫襯指數(5個 滿分):
滿分): (Anson)
文章
