被踢者: 龍 X 酒店 (沙田)
日期: 2008-10-04
欽點菜款: 1) 脆皮大乳鴿 2) 山水豆腐花
嘩...呢間龍 X 酒店, 唔使多介紹, 去親沙田食乳鴿, 都會去呢間「酒店」。「酒店」咁 High Class? 非也!!! 其間呢間只不過係山邊既一間好舊既茶樓, 好有味道? 呢啲見仁見智, 本人就唔係好識欣賞喇!
講番啲食既野先...嘩, 未試其味, 先被其體型嚇一跳。一上盤既時候, 我第一個疑問就係, 係唔係真係乳鴿? 有咁大既乳鴿既咩? 隻乳鴿大到好似一個七人攬球咁(註: 我未見過七人攬球係點樣架)。
見到咁大隻乳鴿, 我嘗試用最原始既方法離食 -- 用手撕開, 用口齒! 隻乳鴿手感一流, 金黃色既外表, 十分之脆, 正!!!... 但係味道方面, 都唔覺得有咩特別, 啲肉仲有啲粗糙添!
至於山水豆腐花, 個賣相幾得意, 一個木桶裝住滑滑既豆腐花, 味道方面尚算可以, 冇脆皮乳鴿比我既感覺咁失望!!!
(Anson)
價錢: $ 68 (一隻鴿), $38 (豆腐花)
評分:
1) 脆皮大乳鴿 ... 65分
2) 山水豆腐花 ... 70分
評語: 試吓冇妨!
再幫襯指數(5個
滿分):
文章
