天 X 棧
地點: 旺角
旺角砵蘭街有一個天機不可涉露嘅餐廳, 逄星期日有睇相服務...
咪以為呢一間係傳統嘅中國餐館, 相反, 呢間係一間好特別嘅西餐廳!
餐廳環境一流, 幽黑中燃著點點微黃嘅燭光, 感覺好relaxing, 如果同男女朋友去, 一定會係好浪漫!!!
講番食物~~
佢地嘅意粉係幾好味, 其中有幾款係值得推介一下。
海鮮龍蝦汁天使意粉... 海鮮用料好豐富, 用料十足, 再配上鮮美嘅龍蝦汁, 絶對可以帶出海鮮嘅美味!!!
海鮮波菜汁寬條麵...
又係海鮮係為主菜, 但係配以波菜汁同寬條麵, 咁就變左一個唔錯嘅選擇~~~正!!!
除左意粉, 其它菜式都唔錯架!
龍脷柳魚翅鮑魚絲苖白飯... 係咪覺得好高檔呢? 咁貴嘅食材配嘅係普通嘅白汁(無錯, 係白汁雞皇飯嘅白汁 ), 但係估唔到, 搭配出來嘅鮑魚變得好滑, 好有鮑魚嘅鮮味, 仲有... 咁高檔嘅菜式對我哋一般市民來講, 少左距離感多左一份親和力!
價錢方面, 其實尚算大眾化, 個人平均消費100蚊左右~~~
唯一要彈嘅係, 同前一個踢爆一樣, 都係個toilet, 地方狹窄, 唔係太清潔, 可能呢個係香港餐廳嘅通病!!!
再幫襯指數(5個 
滿分):
(Anson)
文章
