呢排終於都 feel 到有少少秋天氣色,
開始涼涼地, 幾舒服
就係因為咁, 要去興祝下(其實呢個只係借口 
)
環境方面:
間點分開兩邊, 入面係普通餐廳, 出面就好似cafe 咁, 就咁坐係商場出面, 好open咁wor..... 入面地方好細, 都幾迫, 同隔離台好近, 如果想二人世界就唔係咁好啦
食物方面:
串燒, 椰子抄飯, 咖哩雞, 牛肉米紙卷, 炸軟殼蟹, 芒果黑糯米
D野食o既上菜速度都幾快, 野食都幾熱, 呢樣唔錯,
串燒: 無咩特別, 只係串燒 lor, 熱就夠熱, 但就好油!!!
椰子抄飯: 見佢咁特別, 所以就叫啦, 真係未聽過椰子同抄飯可以一齊, 但出黎都唔錯wor, 買相都幾好, 係用個椰子放抄飯, 食落有D椰子粒粒, 幾好啦~
咖哩雞: 真係一隻雞咁過黎, 只係佢用個雞形碗, 再用麵粉皮包住放入焗爐爐過一陣, 再加上燒餅, 好好味!!! 
牛肉米紙卷: 呢個就太掂... 佢入面o既牛肉同串燒o既係差唔多, 但又唔熱, 出面o既米紙卷就係涼o既, 食落個感覺有D奇怪, 牛肉好難咬開, 食完口都軟.... 
炸軟殼蟹: 非常熱氣
!!!! 但就整得幾好wor, 一D腥味都無!!! 佢再加埋蝦片,蝦片都係好好味wor, 但食完超熱氣!!!!!!!!
芒果黑糯米: 問個waiter 好鬼耐先比到個 menu 我, 真係慢! 叫呢個甜品係因為見到隔離枱都有叫, 覺得幾好, 所以都試下. 個賣相幾好, 份量好多, 其實已經好飽不過叫左都要食. 點知真係幾好味wor, 只係個椰汁太甜, 芒果都幾甜, 呢個正 !
服務方面:
d 服務員好差.... 叫極都無人.... 又要有時限食野..... 
格錢方面:
咁多野食左 $450 左右啦, 兩個人食, 但其實3-4個都食到, 所以都算係咁啦
再幫襯指數(5個 滿分): <<希望佢服務好D啦
(Raymond)
文章
