踢竇第廿一擊 - shakey's

今日去開沙田, 所以就係沙田搵食
新城市廣場有好多人行, 行行下見到有間店門口有好多人排隊,
咁多人排隊咁應該都唔差得去邊, 所以決定加入排隊行列

等左起碼半個鐘先有位, 間店o既位其實係好細, 好少位

環境方面: 好少位, 好迫, 係個商場中間, 如果坐邊位就等於坐係商場到, 隔離就有好多人企係到等位, 壓力好大

食物方面: 主要係食意大利野, 以 pizza 為主, 不過佢改良左, 多D料, 但就幾好食, 仲有意粉, 同特色飲品

燒豬肉 pizza, 有好多料,

波菜意粉, 只係好波菜味, 無咩特別...

龍蝦pizza, 好大件呀!!! 好足料, 味道都幾好

豬仔骨大大件, 但D肉太鬆散啦, 一叉就散, 唔好

格錢方面: 8個人食, 每人130 , 都算係咁啦
再幫襯指數(5個 滿分):
Raymond

踢竇第廿擊 - 天地堂

提起這一間西日餐廳, 往往都是因為想吃甜品, 才到這裡
，裝修與環境以白色為主, 比起另一間地布餐廳環境舒服好多

拿起一張大大的餐牌, 好似樣樣都好想點, 最後點了兩款主食洋風盛盒
洋風盛盒即是雜錦併盤，有牛柳、田螺釀冬菇、炸帶子、炸紫菜魚卷及蝦沙律釀蕃茄。
半成熟的牛柳煮得熟得滯, 有些乾既感覺；炸帶子、炸紫菜魚卷香口又夠脆；蝦沙律釀蕃茄很鮮甜。

另外一客煙三文魚薄餅, 味道不錯,

留定個肚食主角---- 甜品

在甜品餐牌中左選右揀下，最後勝利是朱古力香蕉新地及雪糕串燒，兩款甜品一共有五大球雪榚，雖然雪榚沒有難度可言，但賣相吸引，比起連鎖雪榚店的外賣雪榚，感覺完全不同，每一口雪糕總帶給人開心的感覺。

再幫襯指數(5個 滿分):

分享至facebook 寄給朋友

(Thomas)

踢竇第十九擊 - 天 X 棧

天 X 棧

地點: 旺角

旺角砵蘭街有一個天機不可涉露嘅餐廳, 逄星期日有睇相服務...

咪以為呢一間係傳統嘅中國餐館, 相反, 呢間係一間好特別嘅西餐廳!

餐廳環境一流, 幽黑中燃著點點微黃嘅燭光, 感覺好relaxing, 如果同男女朋友去, 一定會係好浪漫!!!

講番食物~~

佢地嘅意粉係幾好味, 其中有幾款係值得推介一下。

海鮮龍蝦汁天使意粉... 海鮮用料好豐富, 用料十足, 再配上鮮美嘅龍蝦汁, 絶對可以帶出海鮮嘅美味!!!

海鮮波菜汁寬條麵...

又係海鮮係為主菜, 但係配以波菜汁同寬條麵, 咁就變左一個唔錯嘅選擇~~~正!!!

除左意粉, 其它菜式都唔錯架!

龍脷柳魚翅鮑魚絲苖白飯... 係咪覺得好高檔呢? 咁貴嘅食材配嘅係普通嘅白汁(無錯, 係白汁雞皇飯嘅白汁 ), 但係估唔到, 搭配出來嘅鮑魚變得好滑, 好有鮑魚嘅鮮味, 仲有... 咁高檔嘅菜式對我哋一般市民來講, 少左距離感多左一份親和力!

價錢方面, 其實尚算大眾化, 個人平均消費100蚊左右~~~

唯一要彈嘅係, 同前一個踢爆一樣, 都係個toilet, 地方狹窄, 唔係太清潔, 可能呢個係香港餐廳嘅通病!!!

再幫襯指數(5個 滿分):

(Anson)

踢竇第十八擊 - 奧利花

今日為大家介紹的一間西餐廳 - 奧利花

地點: 元朗

環境: 充滿懷舊特色, 暗暗的, 有電影相片, 畫布, 水晶燈

我們8點鐘入坐, 一坐低待應放下一籃包及一碟醋配以橄欖油作為前菜. 雖然包包只得幾塊, 可是沾上醋後, 酸酸的很不錯。



我們2人點了1個main course, 1個飯及1個pasta。首先是王牌海鮮意大利飯, 整碟飯是橙橙地色, 配以海鮮, 好多汁, 很入味, 果然係王牌!

接著是主菜小牛排, 有3塊牛排, 配以薯菜. 我們要求牛排8成熟, 所以肉的煮熟程度是合乎我們要求的。至於那個汁卻不知所以焉, 弄不清是什麼來的, 不夠味道。

最後是煙三文魚白汁焗長通粉, 一上枱熱烘烘的, 一條條長通粉佈滿芝士、白汁, 白汁之中有玉米, 菌類, 配合不錯. 煙三文魚卻有點鹹, 但整體算是好好味。

價錢: main course $58-200不等, pizza, pasta, rice $78-200不等, 區內算貴, 但符合食物水準及頗大碟, 仍然是可以。

服務水平: 不錯, 由等位, 至上菜也不錯

惟一最差是個toilet, 地方狹窄, 不太清潔, 同餐廳內有天淵之別。

再幫襯指數(5個 滿分):

踢竇第十七擊 - x洲牛奶公司

今天帶大家去一間老牌茶餐廳.

環境方面: 好多人, 好迫, 唔好坐. 食完又會被人趕走.

我叫左一個茶餐.

牛油方飽, 火腿炒蛋.

這裡的方飽出晒名好食, 又厚又夠脆.

配湯意粉. 正.

可惜杯冷寧茶細杯左d啦.

價錢方面: $30, 無加一, 抵!

服務方面: 待應的服務一般啦, 本地茶餐廳的水準.

再幫襯指數(5個 滿分):