天 X 壽司 (尖沙咀)
尖沙咀有好多壽司店, 最近朋友極力推介一間係柯士甸道嘅樓上舖, 前幾天, 啱啱路過, 所以順便試一下有幾好味
呢間野嘅環境, 可以用一個旺中帶靜來形容。呢間壽司店位處柯士甸道一段比較熱鬧嘅一段, 但係要入去呢間野, 係要上一段樓梯, 係一座大廈嘅側門入... 入到去, 裏面嘅裝修好有時尚但又好簡單舒服嘅感覺, 店舖嘅幽雅寧靜同出面熱鬧嘅街道簡直有強烈嘅對比。
食物方面, 真係可以用價廉物美來形容, 三文魚壽司一碟, 都係十蚊, 但係食落去絶對唔係十蚊嘅貨色!!! 啲魚好新鮮好正!!!!
咁多壽司卷物當中, 我最欣賞嘅係軟殼蟹壽司同手卷, 你咬落去好多鮮美嘅汁咇出來, 真係好 Juicy 架!!! 一咬令人印象難忘~~~ 正正正!!!
環境: 令人舒服
服務: 好好
價錢: 每人約$100.
再幫襯指數(5個
滿分):
Anson
文章
