試食-西苑點心

今天經過太古城，心血來潮想去西苑飲茶，因為之前聽朋友說這裡的點心很不錯。中午時份，人特別多，沒有訂位，幸好不用久等。

在太古城上班的友人經常都到西苑午膳，特別推介我試幾款點心:

煎南瓜薄餐 (有點淡，但質感不錯)

XO炒腸粉 (不帶油膩，味道還可以)

瑞士雞翼 (朋友們說這是must have 點心)

大哥叉燒 (雖然蜜汁很美味，但叉燒有點硬)

奶皇卷 (超好吃啊…)

總括來說，點心選擇非常多，味道亦算中上，可惜太貴，午市每人最少要$120 。

踢竇第廿五擊 - 漢堡皇

北角新開左這一間漢堡店, 平日一想起食漢堡, 心裡總想起一個M字, 可惜因為太多人幫襯, 好多時出品都係粗製濫造

其實食漢堡不是快餐咁簡單, 花多少少金錢去試下這間店既漢堡, 會發現另一個世界

這間店出名既係whopper, 先來一個雙層既華堡...

香脆可口既洋葱圈, 絕對不可以跟雞店出品相提並論

嘩.... 食左個hershey 朱古力批, 這個甜品幾特別

其實這間店定價不是太貴, 中價, 其實都ok, 不仿一試

再幫襯指數(5個 滿分):

分享至facebook 寄給朋友

(Thomas)

踢竇第廿四擊 - 泰"chi"選

泰式炒金邊粉午餐，有一個炒金邊和一杯龍眼冰的「特飲」 …

泰式炒金邊粉:有蝦(只有凍肉味) 、有雞肉絲(正~) 、金邊粉不太辣~

龍眼冰的「特飲」:勁多沙冰，偏甜…喉嚨勁冰呀~~

價錢:$30

環境、裝修: 裝修富有泰國特色，餐牌有泰文和中文，電台播的節目是泰文和泰文歌，中午時段有好多泰國人去的。

服務: 泰國人的中文都OK的~

再幫襯指數(5個 滿分):

朋友說:當合上眼時，有好去了泰國的感覺，似去了泰國的餐廳!

(upload photo later)

(idy)

踢竇第廿三擊 - 天 X 壽司

天 X 壽司 (尖沙咀)

尖沙咀有好多壽司店, 最近朋友極力推介一間係柯士甸道嘅樓上舖, 前幾天, 啱啱路過, 所以順便試一下有幾好味

呢間野嘅環境, 可以用一個旺中帶靜來形容。呢間壽司店位處柯士甸道一段比較熱鬧嘅一段, 但係要入去呢間野, 係要上一段樓梯, 係一座大廈嘅側門入... 入到去, 裏面嘅裝修好有時尚但又好簡單舒服嘅感覺, 店舖嘅幽雅寧靜同出面熱鬧嘅街道簡直有強烈嘅對比。

食物方面, 真係可以用價廉物美來形容, 三文魚壽司一碟, 都係十蚊, 但係食落去絶對唔係十蚊嘅貨色!!! 啲魚好新鮮好正!!!!

咁多壽司卷物當中, 我最欣賞嘅係軟殼蟹壽司同手卷, 你咬落去好多鮮美嘅汁咇出來, 真係好 Juicy 架!!! 一咬令人印象難忘~~~ 正正正!!!

環境: 令人舒服
服務: 好好
價錢: 每人約$100.

再幫襯指數(5個滿分):

Anson

踢竇第廿二擊 - 布袋澳發記

去布袋澳當然是食海鮮啦...

第一碟是蟶子, 3人份量的蟶子, 非常香, 可是獨欠了些微鮮味, 可能其他味道太重的關係.


跟住係一碟茄汁蝦，炒得好香, 好好味。



再來一碟清蒸鮑魚仔，幾鮮味, 可惜每人得兩隻。


跟著有蒜香瀨尿蝦，我認為係惹味之最，正！


白灼東風螺–有少少"醒", 頗難弄出螺肉, 我覺得一般吧。


最後, 再叫一碟海膽炒飯. 比想像中大碟, 但海膽不多, okay 啦.

環境: 整齊
服務: 佳
價錢: 每人約$250.

再幫襯指數(5個滿分):